ايمان احمد للكروشيه

الورشة رقم 2 - بدى بنوتة 5 سنوات بحلقة على الصدر

استعرض الموضوع السابق استعرض الموضوع التالي اذهب الى الأسفل

الورشة رقم 2 - بدى بنوتة 5 سنوات بحلقة على الصدر

مُساهمة  آيه عبد الرحمن في الجمعة يونيو 15, 2012 10:30 pm

الاختصارات المستخدمة:
س = سلسلة ... ع = عمود.... عم = عمود مزدوج وطريقة عمله اهى في 6 خطوات ... نع = نصف عمود وشرحها موجود بردو Smile
♦ شرح العمود المزدوج (عم) في 6 خطوات
1- هنلف الخيط ع الابرة وننزل ف السلسة اللى عليها الدور
2- ندخل ف السلسلة ونلف الخيط ع الابرة ونخرج منها.
3- هيكون معانا 3 غرز على الابرة ننزل 2 هيتبقى 2 نخليهم ع الابرة.
4- نلف الخيط على الابرة وننزل ف السلسة اللى عليها الدور.
5- نلف الخيط على الابرة ونخرج من السلسلة.
6- هيكون معانا 4 غرز على الابرة ننزل 2 هيتبقى 3 نخرجهم مرة واحدة.
هنلاقيهم عمودين مشتركين ف غرزة واحدة من فوق ودا انا بسميه عمود مزدوج Smile
♦ شرح النصف عمود (نع) :
1- نلف الخيط وننزل ف السلسلة اللى عليها الدور ونلف الخيط ونخرج منها كدا معانا 3 غرز على الابرة ننزلهم كلهم بغرزة واحدة. بس كدا Smile

بسم الله الرحمن الرحيم

دا شكل الموديل اللى هنفذه مع بعض ان شاء الله...



هنجيب حلقة مدورة اد اللى ف الصورة وهنشتغل عليها بالكروشيه عدد 55 غرزة ( دا العدد اللى انا اشتغلته وطبعا بيتوقف على قطر الحلقة المستخدمة) وهيكون شكلها بعد الشغل عليها كدا ....



احنا هنشتغل نص الصدر مش الصدر كله نخلص نص الصدر الاول وبعدين نخلص النص التانى كل نص لوحده

الدور 1 = 4س + 26 ع هيكون الشكل كدا ...



الدور 2 = 4 س + 1ع (ودول هيكونوا عم رقم 1) + 1س + عم + 1س + عم .. وهكذا لنهاية الدور هيتكون عندى 13 عم.

الدور 3 = نفس البداية ف الدور السابق وهنعمل 12 عم بس بينهم 2س مش 1س.
الدور 4 = نفس البداية ونعمل 5 عم بين كل واحد والتانى 2س+ 17 ع.
الدور 5 = 19 ع + 2س + 4 عم بين كل واحد والتانى 2س.
الدور 6 = 3عم بين كل واحد والتانى 2س + 22 ع.
الدور 7 = 31 ع.
الدور 8 = دا اول دور ف الزيادة هنزود عمود واحنا بنبدأ الدور وهيكون 32 ع.
الدور 9 = 33 ع
الدور 10 = 34 ع
الدور 11 = 35 ع
الدور 12 = 36 ع
الدور 13 = 37 ع دا آخر دور ف زيادة العمدان.
الدور 14 و 15 و 16 = 37 ع
الدور 17 = 19 نع بين كل واحد والتانى 1س ونفوت 1 ع من الدور السابق
الدور 18 حتى 50 = 19 نع بين كل واحد والتانى 1س وهيكون الشكل كدا....



الدور 51 = على كل 1س من الدور السابق نعمل 2نع لنهاية الدور ونلف مع الشغل بس بعد مانلف هنعمل 1 نع بس وهيكون الشكل كدا....



هنفضل نعمل 1 نع لحد المكان اللى الابرة مشاورة عنده ف الصورة اللى تحت دى وبعدها (عند العواميد الكاملة بأه) هنرجع نعمل 2 نع ف كل عين لنهاية الدور لحد مانوصل للحلقة اللى بدأنا من عندها الشغل



وبعد مانوصل للحلقة هنلف ونرجع تانى كدا لنهاية الدور ....



ونلف تالت مرة ف اتجاه الحلقة ولما نوصل للحلقة ونقطع الخيط ونعمل نفس الموضوع ف الاتجاه التانى وهيكون الشكل النهائى كدا لنصف الصدر الاول....



وهنعمل نفس اللى فات كله ف النص التانى الفاضى من الحلقة عشان نعمل النص التانى على شرط ان يكون الطول المتكون كله 65 سم وهو محيط الصدر لمقاس 5 سنوات ف جدول المقاسات
دا شكل النصين مع بعض عشان نبدأ ف مرحلة جديدة



وهنقفل النصين مع بعض عشان يكون الصدر والظهر ونبدأ ..

الدور 1 = 5س + نفوت 2 غرزة من تحت وندخل ف التالتة لحد نهاية الدور..
الدور 2 = 7 ع ف العين رقم 1 (العين دى اللى مكونة من 5س) ونفضل نعمل 5س لمسافة 4 عين وف العين الخامسة نعمل 7ع وننزل بيهم ف العين التالية ونعمل 5 س لمسافة 4 عين وهكذا نفس السابق لنهاية الدور وهيكون الشكل كدا...



الدور 3 = هنغير لون الخيط ونعمل فوق كل 7 ع نعمل 7 ع بس بين كل واحد والتانى 1س وعلى كل 5س نعمل 5 س.

الدور 4 = هنغير لون الخيط ونعمل فوق كل 7ع نعمل 8 ع بين كل واحد والتانى 2س وعلى كل 5س نعمل 5س وهيكون عندنا الشكل كدا
مروحة مكونة من 3 ألوان (فوشيا + بامبة + لبنى) + 5س + مروحة + 5س وهكذا لنهاية الدور وهيكون الشكل كدا....



الدور 5 = هنرجع تانى للون الخيط الفوشيا ونعمل فوق كل 5س نعمل 7ع وفوق المروحة هنعمل 5س 3مرات لحد مانوصل للـ5س الفاصلة بين كل مروحة والتانية ونعمل فوقها 7 ع وهكذا لنهاية الدور

كل الادوار الجاية نفس السابق بالظبط لنهاية طول البدى هسبكم بأه اروح اصلى العصر واخلصه واصوره واوريهولكوا يارب يعجبكم Smile

ادى البدى بعد ماخلصت الطول المطلوب 40 سم



دلوقتى هنعمل الكنار اللى ع الحرف من فوق ودا عملته ازااااااااااااى؟؟ اقولكوا
هو عبارة عن دورين:
الدور 1 = 5 س + ادخل ف الغرزة رقم 5 من تحت + 3 س + ادخل ف الغرزة رقم 3 من تحت + 5 س + ادخل ف الغرزة رقم 5 من تحت + 3 س + ادخل ف الغرزة رقم 3 من تحت + 5 س وهكذا لنهاية الدور.

الدور 2 = هعمل فوق كل 5 س اعمل 7 ع وانزل بآخر عمود منهم على 3 س التالين واعمل 5س وانزل ف نفس ال3س اللى انا فيها + ابدأ في 7 ع التاليين وهكذا يعنى هيكون عندى لدور التانى دا عبارة عن 7ع + 5س + 7ع + 5س ... وهكذا لنهاية الدور وهيكون الشكل النهائى كدا......



صورة الموديل عاملين الحمالات بشريط ستان انا عملتها بالكروشيه عشان يكون نفس اللون Smile ونقدر نقول ع الورشة رقم 2 تم بحمد الله واشوفكم ف الورشة الجاية باذن الله bounce cheers

آيه عبد الرحمن

عدد المساهمات : 240
نقاط : 383
تاريخ التسجيل : 04/06/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الورشة رقم 2 - بدى بنوتة 5 سنوات بحلقة على الصدر

مُساهمة  الورده البيضاء في الأحد يونيو 17, 2012 5:03 pm


الورده البيضاء

عدد المساهمات : 287
نقاط : 406
تاريخ التسجيل : 06/06/2012
الموقع : مشرف قسم الاطفال

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى